|
|
| 后一頁 前一頁 回目錄 |
按：王蓮生躺在榻床右首，吸煙過癮；复調過左首來，吸上三口，漸覺眉低眼合，像是煙迷。張蕙貞裝好一口煙，將槍頭湊到嘴邊，替蓮生把火。蓮生搖手不吸。蕙貞輕輕放下煙槍，要坐起來。蓮生一手扳住蕙貞胸脯，說：“耐也吃一筒囗。”蕙貞道：“我（要勿）吃；吃上仔癮，阿好做生意嗄？”蓮生道：“陸里會上？小紅一徑吃，勿曾有痛。”蕙貞道：“小紅自然。俚是本事好，生意會做，就吃上仔，也匆要緊。倪要像仔俚也好哉！”蓮生道：“耐說小紅會做生意，為啥客人也無撥哉嗄？”蕙貞道：“耐怎曉得俚無撥客人？”蓮生道：“我看見俚前節堂簿，除脫仔我，就不過几戶老客人叫仔二三十個局。”蕙貞道：“做仔耐一戶客人，再有二三十個局，也就好哉（口宛）。”蓮生道：“耐勿曉得；小紅也匆過去，俚開消大，爺娘兄弟有好几個人來浪，才靠俚一干仔做生意。”蕙貞道：“爺娘、兄弟來里小房子里，陸里有几花開消？常恐俚自家個用場忒大仔點。”蓮生道：“俚自家倒無啥用場，就不過三日兩頭去坐坐馬車。”蕙貞道：“坐馬車也有限得勢。”蓮生道：“价末啥個用場嗄？”蕙貞道：“倪怎曉得俚？” 蓮生便不再問，自取煙盤內所剩兩枚煙泡，且燒且吸，移時始盡；于是一手扶住榻床欄杆，抬身坐起。蕙貞知道是要吸水煙，忙也起身，取一支水煙筒，就在榻床邊挨著蓮生肩膀偎倚而坐，裝水煙与蓮生吸，蓮生吸了兩筒，复問道：“耐說小紅自家用場大。是啥個用場，耐說說看囗。”蕙貞略怔一怔道：“倪是說說罷哉呀，小紅自家末再有啥個用場，耐（要勿）到小紅搭去瞎說瞎話。倘然耐說仔啥末，俚只道倪說仔俚邱話，再撥俚罵。”蓮生笑道：“耐說末哉，我阿去告訴小紅！”蕙貞大聲道：“教我說啥物事嗄？耐搭小紅三四年老相好，再有啥勿曉得？倒來問倪！”蓮生笑而歎道：“耐末真真是謅頭！小紅說仔耐几花邱話，耐勿說俚倒罷哉，再要替俚包瞞。”蕙貞也歎道：“勿是包瞞呀，耐末也纏煞哉！小紅有仔爺娘、兄弟，再要坐坐馬車，阿是用場比仔倪大點。” 蓮生冷笑丟開。水煙吸罷，蕙貞仍并坐相陪，和蓮生美滿恩情，溫存浹洽，消磨了好一會，敲過十二點鐘，喚娘姨收抬安睡。 蕙貞在枕上又勸蓮生道：“小紅個人，凶末凶煞，搭耐是總算無啥。俚故歇客人末也賽過無撥，就不過耐一個人去搭俚繃繃場面。俚勿搭耐要好，再搭啥人要好？前轉明園俚要同耐拼命，倒勿是為別樣，常恐耐做仔我，俚搭勿去哉。耐勿去仔，俚阿是要發极嗄？我倒勸耐，耐搭俚相好仔三四年，也該應摸著點俚脾气個哉；稍微有點勿快活，耐噥得過就噥噥罷。俚有辰光就推扳仔點，耐也（要勿）去說俚。耐說仔俚，俚勿好來怪耐，倒說是倪教耐個閒話，倪末結仔俚几花冤家。單是背后罵倪兩聲倒也罷哉，倘忙台面沒碰著仔，俚末倒（要勿）面孔，搭倪相罵，倪阿要難為情？”蓮生道：“耐說俚搭我要好，陸里會要好嗄？我坎做俚辰光，俚搭我說：‘做倌人也難得勢，就不過無撥好客人；故歇有仔耐，故是再好也匆有。難再要去做一戶驀生客人，定歸勿做個哉。’我說：‘耐勿做末，就嫁撥我好哉。’俚嘴里末也說是‘蠻好’，一徑搭漿下去。起初說要還清仔債末嫁哉；故歇還仔債，再說是爺娘勿許去。看俚光景，總歸勿肯嫁人，也匆曉得俚終究是啥意思。”蕙貞道：“故倒也無啥別樣意思。俚做慣仔倌人，到人家去規矩勿來，勿肯嫁。再歇兩年，年紀大仔點，難末要嫁耐哉。”蓮生搖手道：“倘然沈小紅要嫁撥我，我也討勿起。前兩年，三節開消，差勿多二千光景；今年加二勿對哉，還債、買物事同局帳，一節勿曾到，用撥俚二千多。耐想：我陸里有几花洋錢去用？”蕙貞复歎道：“像倪一年就一千洋錢也好哉。”蓮生再要說時，只听得當中間內阿巧睡夢中咳嗽聲音，遂被叉斷不提。 次日上午，王蓮生、張蕙貞初起身，管家來安即來稟說：“沈小紅搭娘姨請老爺過去說句閒話。”蕙貞忙問“甚事”，蓮生道：“陸里有啥閒話？兩日勿去仔末，生來要來請哉（口宛）。”蕙貞尋思一會道：“我猜小紅定歸有點閒話要搭耐說。耐想囗？隨便啥辰光，耐一到仔該搭來，俚□就曉得哉。故歐是曉得耐來里該搭，來請耐，就無啥閒話也要想句把出來說說，噪得耐勿舒齊。耐說阿對？”蓮生不答。 比及用畢午餐，吸足煙癮，蓮生方思過去。蕙貞連連叮囑道：“耐到沈小紅搭去，小紅問耐陸里來，耐就說是來里該搭好哉。俚要搭耐說啥閒話，勿要緊個末依仔俚一半；耐就匆依俚，也（要勿）搭俚強，好好交搭俚說。小紅個人不過性子粳點，耐說明白仔，俚也無啥。耐記好仔，（要勿）忘記。” 蓮生答應下樓，并不坐轎，帶了來安出門，只見一個小孩子往南飛跑，仿佛是阿珠的儿子，想欲聲喚，已是不及。蓮生卻往北出東合興里，由橫弄穿至西薈芳里。阿珠早迎出門首，相隨上樓，同到房里。沈小紅當自閒坐，手中執著一對翡翠雙蓮蓬在那里玩弄；見了蓮生，也不起身，只冷笑道：“倪該搭勿請耐是想勿著個哉！兩日天有几花公事，忙得來一埭也匆來。”蓮生佯笑坐下。阿珠接著笑道：“王老爺一請仔倒就來，還算倪有面孔，勿曾坍台。先生，耐要謝謝我個囗。”說著，先絞把手巾，忙將茶碗放在煙盤里，點起煙燈，說：“王老爺請用煙。”蓮生過去，躺在榻床上手，吸起煙來。小紅便道：“同到該搭來，苦煞個囗。才是笨手笨腳，無啥人來搭耐裝煙。”蓮生笑道：“啥人要耐裝煙嗄？’當時阿珠抽空回避。 蓮生本已過癮，只略吸一口，即坐起來吸水煙。小紅乃將翡翠雙蓬蓬給蓮生看。蓮生問：“阿是賣珠寶個拿得來看？”小紅道：“是呀。我買哉，十六塊洋錢，比仔茶會浪阿貴點？”蓮生道：“耐有几對蓮蓬來浪，也好哉；再去買得來做啥？”小紅道：“耐搭別人末去買仔，挨著我末就勿該應買哉？”蓮生道：“勿是說勿該應買；耐蓮蓬用勿著末，買別樣物事好哉。’”小紅道：“別樣物事再買哉（口宛）。蓮蓬用末用勿著。我為仔气匆過，定歸要買俚一對，多豁脫耐十六塊洋錢。”蓮生道：“价末耐拿十六塊洋錢去，隨便耐買啥。該個一對蓮蓬也無啥好，（要勿）買哉，阿對？”小紅道：“倪是人也無啥好，陸里有好物事撥倪買？”蓮生低聲做勢道：“阿啃！先生客气得來，啥人勿曉得上海灘浪沈小紅先生，再要說勿好！”小紅道：“倪末阿算得是先生（口夏）？比仔野雞也匆如（口宛）！惶恐哉囗，叫先生！” 蓮生料想說不過，不敢多言，仍嘿然躺下，一面取簽子燒煙，一面偷眼去看小紅。見小紅垂頭哆口，斜倚窗欄，手中還執那一對翡翠雙蓮蓬，將指甲掐著細細分數蓮子顆粒。蓮生大有不忍之心，只是無從解勸。 适值外場報說：“王老爺朋友來。”蓮生迎見，乃是洪善卿，進房即說道：“我先到東合興里去尋耐，說去哉。我就曉得來里該搭。”小紅敬上瓜子，笑向善卿道：“洪老爺，耐尋朋友倒會尋□。王老爺剛剛到該搭來，也撥耐尋著哉。該搭王老爺難得來個（口宛），一徑來里東合興里。今朝為仔倪請仔了、坎坎來一埭。晚歇原到東合興去。洪老爺，耐下轉要尋王老爺末，到東合興去尋好哉。東合興匆來浪，倒說勿定來里啥場花。耐就等來浪東合興，王老爺完結仔事体轉去來，碰頭哉（口宛）。東合興賽過是王老爺個公館。” 小紅正在嘮叨，善卿呵呵一笑，剪住道：“（要勿）說哉！我來一埭听耐說一埭，我听仔也厭气煞哉。”小紅道：“洪老爺說得勿差，倪是生來勿會說閒話，說出來就惹人气。像人家會說會笑，阿要巴結！一樣打茶會，客人喜歡到俚□去，同得去個朋友講講說說，也鬧熱點。到仔該搭，听仔倪討气閒話，才匆對哉，再要得罪朋友。耐說王老爺陸里想得著到該搭來嗄！”善卿正色道：“小紅，（要勿）實概！王老爺做末做仔個張蕙貞，搭耐原蠻要好，耐也就噥噥罷。耐定歸要王老爺勿去做張蕙貞，在王老爺也無啥，听仔耐閒話就匆去哉。不過我來里說，張蕙貞也苦煞來浪，讓王老爺去照應點俚，耐也賽過做好事。”這几句倒說得沈小紅盛气都平，無言可答。于是，洪善卿、王蓮生談些別事。 已近黃昏，善卿將欲告辭，蓮生阻止了，卻去沈小紅耳邊悄悄說了几句，听不出說的什么。只見小紅道：“耐去末哉（口宛），啥人拉牢耐嗄？”蓮生又說兩句，小紅道：“來匆來，隨耐個便。”蓮生乃与善卿相讓同行。小紅略送兩步，咕嚕道：“張蕙貞等來浪，定歸要去一埭末舒齊。”蓮生笑道：“張蕙貞搭勿去。”說著，下樓出門。善卿問：“到陸里？”蓮生道：“到耐相好搭去。” 兩人往北，由同安里穿至公陽里周雙珠家。巧囤為王蓮生叫過周雙玉的局，引蓮生至雙玉房里。洪善卿也跟進去，見周雙玉睡在床上。善卿踅到床前，問雙玉：“阿是匆适意？”雙玉手拍床沿，笑說：“洪老爺請坐囗，對勿住。”善卿即坐在床前，与雙玉講話。 周雙珠從對過房里過來，与王蓮生寒暄兩句，因請蓮生吸鴉片煙。巧囡卻裝水煙与善卿吸。善卿見是銀水煙筒，又見妝台上一連排著五只水煙筒，都是銀的，不禁詫异道：“雙玉個銀水煙筒有几花嗄？”雙珠笑道：“故末也是倪無(女每)拍雙玉個馬屁哉囗。”雙玉听見，嗔道：“阿姐末總瞎說！無(女每)拍倪個馬屁，阿要笑話！”善卿笑問其故，雙珠道：“就是前轉為仔銀水煙筒，雙玉教客人去買仔一只，難末無(女每)拿大阿姐、二阿姐個几只銀水煙筒，才撥仔雙玉。雙寶末一只也無撥。”善卿道：“价末故歇再有啥勿适意？”雙玉接說道：“發寒熱呀。前日夜頭，客人碰和，一夜勿曾因，發仔個寒熱。” 說話之時，王蓮生燒成一口鴉片煙要吸，不料煙槍不通，斗門咽住。雙珠先見，即道：“對過去吃罷，有只老槍來浪。”當下，眾人翻過對過雙珠房間。善卿始与蓮生說知：翡翠頭面，先買几色，价值若干，已面交与張蕙貞了。蓮生亦問善卿道：“有人說，沈小紅自家個用場大，耐阿曉得俚啥個用場？”善卿沈吟半晌，答道：“沈小紅也無啥用場；就為仔坐馬車，用場大點。”蓮生听說是坐馬車，并不在意。 談至上燈時候，蓮生要赴沈小紅之約，匆匆告別。善卿即在雙珠房里便飯。往常善卿便飯，因是熟客，并不添菜，和雙珠、雙玉共桌而食。這晚雙玉不來，善卿說道：“雙玉為啥三日兩頭勿适意？”雙珠道：“耐听俚呀。陸里有啥寒熱？才為仔無(女每)忒歡喜仔了，俚裝個病。”善卿問：“為啥裝病？”雙珠道：“前日夜頭，雙玉起初無撥局。剛剛我搭雙寶出局去末，接連有四張票頭來叫雙玉。相幫、轎子才匆來浪，連忙去喊雙室轉來。碰著雙寶台面浪要轉個局，教相幫先拿轎子抬雙玉去出局，再去抬雙寶。等到雙寶轉來仔，再到雙玉搭去末，晚哉。轉到第四個局，台面也散哉，客人也去哉。雙玉轉來，告訴仔無(女每)；生來同雙寶勿對，就說是雙寶耽擱仔了，要無(女每)去罵俚兩聲。無(女每)為仔台面浪轉局客人來里雙寶房里，勿曾說啥。難末雙玉勿舒齊哉，到仔房里，‘乒乒乓乓’損家生。再碰著客人來碰和，一夜勿曾困，到明朝就說是匆适意。”善卿道：“雙寶苦惱子。碰著仔前世個冤家。”雙珠道：“先起頭無(女每)勿歡喜雙寶，為仔俚勿會做生意，說兩聲；雙玉進來到故歇，雙寶打仔几轉哉，才為仔雙玉。”善卿道：“故歇雙玉搭耐阿要好？”雙珠道：“雙玉要好末要好，見仔我倒有點怕個。無(女每)隨便啥總依俚，我匆管俚生意好勿好，看匆過定歸要說個，讓俚去怪末哉！”善卿道：“耐說俚也匆要緊，俚阿敢怪耐！” 須臾，用過晚飯，善卿無事，即欲回店。雙珠也不甚留。洪善卿乃從周雙珠家出來，踅出公陽里南口，向東步行。忽听得背后有人叫聲“娘舅”。 善卿回頭一看，正是外甥趙朴齋，只著一件稀破的二藍洋布短襖，下身倒還是湖色熟羅套褲，趿著一雙京式鑲鞋，已戳出半只腳指。善卿吃了一惊，急問道：“耐為啥長衫也匆著嗄？”趙朴齋囁嚅多時，才說：“仁濟醫館出來，客棧里耽擱仔兩日。缺仔几百房飯錢，舖蓋衣裳，才撥俚□押來浪。”善卿道：“价末為啥勿轉去嗄？”朴齋道：“原想要轉去，無撥銅錢。娘舅阿好借塊洋錢撥我去趁航船？”被善卿啐了一口，道：“耐個人再有面孔來見我！耐到上海來坍我個台，耐再要叫我‘娘舅’末，撥兩記耳光耐吃！”善卿說了，轉身便走。朴齋緊跟在后，苦苦求告。 約走一箭多遠，善卿心想：無可如何，到底有礙体面，只得喝道：“同我到客棧里去！”朴齋諾諾連聲，趨前引路，卻不往悅來棧，直引至六馬路一家小客棧，指道：“就來里該搭。”善卿忍气進門，向柜台上查問。那掌柜的笑道：“陸里有舖蓋嗄！就不過一件長衫，脫下來押仔四百個銅錢。”善卿轉問朴齋，朴齋垂頭無語。善卿复狠狠的啐了一口，向身邊取出小洋錢，贖還長衫；再給一夜房錢，令小客棧暫留一宿，喝叫朴齋：“明朝到我行里來！”朴齋答應，送出善卿。善卿毫不理會，叫把東洋車，自回南市咸瓜街永昌參店，短歎長吁，沒法處置。 次早，朴齋果然穿著長衫來了。善卿叫個出店，領朴齋去趁航船，只給三百銅錢与朴齋路上買點心。趙朴齋跟著出店，辭別洪善卿而去。 第二十四回終。 ------------------ 亦凡公益圖書館掃校 |
后一頁 前一頁 回目錄 |
|
|